ఊహలు గుసగుసలాడే

దేవుడు కూడా మోయలేని రాయి

కుమార్ — Fri, 12 Sep 2008 12:05:00 +0000

మొన్న ఈటీవీ-2 లో తెలుగు-వెలుగు కార్యక్రమంలో గరికపాటి నరసింహారావు గారు ఈ హాస్యోక్తి చెప్పారు. చాలా నవ్వు తెప్పించింది. మీ అందరితో ఆ ఆనందాన్ని పంచుకుందామని ఈ టపా రాస్తున్నాను.
ఒకసారి ఒక అవధానంలో అసందర్భ ప్రసంగంలో ఒక పృచ్ఛకుడు అడిగాడట “ఆ దేవుడు కూడా మోయలేని రాయి ఏది?” అని.
అప్పుడా అవధాని హాస్యంగా ఇలా చెప్పారట.
“ఆ దేవుడు కూడా మోయలేని రాయినే సంసారం అంటారు నాయనా. ఆ దేవుళ్ళు కూడా ఈ సంసార సాగరాన్ని ఈదలేకపోయారు. ఆ విష్ణుమూర్తినే చూడండి. ఆయనకీ ఇద్దరు భార్యలు. ఒకరేమో లక్ష్మీ దేవి. సుచల.ఎప్పుడు ఎవరి దగ్గర ఉంటుందో తెలియదు. ఇంకొకరు భూదేవి.అచల. స్థిరంగా ఉంటుంది తప్ప ఎక్కడికీ కదలలేదు. ఇక ఆ శివుడి సంసారాన్నే తీసుకుంటే ఆయన వాహనం ఎద్దు, ఆయన బార్య వాహనమేమో సింహం. ఆ సింహం ఈ ఎద్దుని ఎప్పుడు తినేద్దామా అని చూస్తూ ఉంటుంది. ఆయన పెద్దకొడుకు వినాయకుడి వాహనమేమో ఎలుక. శివుడి మెడలో ఉన్న పాము ఈ ఎలకని తిందామని చూస్తుంటే ఆయన రెండో కొడుకు కుమారస్వామి వాహనమైన నెమలేమో ఆ పాము వంక చూస్తుంటుంది ఎప్పుడు తిందామా అని. ఇలా వాహనాల మధ్య గొడవలతో సతమతమయ్యే ఆయనకి సవతులైన గంగాగౌరిల కయ్యాలు ఉండనే ఉన్నాయి. అందుకే నాయనా ఆ దేవుడు కూడా మోయలేని రాయి సంసారం తప్ప మరొకటి కాదు” అని హాస్యంగా సమాధానం చెప్పారట.

అన్నమయ్య పై నా బ్లాగు

కుమార్ — Fri, 05 Sep 2008 05:27:00 +0000

చివరికి నేను ఎన్నాళ్ళనుంచో అనుకుంటున్న అన్నమయ్య బ్లాగుని మొదలుపెట్టాను.
అన్నమయ్యకు అక్షర నీరాజనం అనే ఈ బ్లాగులో అన్నమయ్యకీర్తనలూ, ఆయన జీవిత విశేషాలూ, ఆయన రచనా వైభవం, వాటిలోని చమత్కారాలూ వీటి గురించి నాకు తెలిసిన విషయాలు రాస్తూ ఉంటాను.
ఈ బ్లాగుపై మీ అభిప్రాయాలు చెప్పగలరు.

ఫైర్‌ఫాక్స్ కి తెలుగులో ఓ మంచి పేరు పెడదాం

కుమార్ — Fri, 22 Aug 2008 11:19:00 +0000

మొన్న వీవెన్ గారి బ్లాగులో ఫైర్‌ఫాక్స్‌ని “మంట నక్క” అని ప్రస్తావించటం చూసాను.

ఆ పదంలో ఏమంత దోషాలు లేకపోయినా నాకెందుకో ఆ పేరు ఫైర్‌ఫాక్స్ కి అంతగా నప్పలేదేమో అనిపించింది.

ఫైర్‌ఫాక్స్‌ని తెలుగులో “జ్వాలా జంబూకం” అని కానీ “జ్వాలా శృగాలం” అని కాని అంటే ఎలా ఉంటుంది?

మీ అభిప్రాయాలు చెప్పండి..

నేనొచ్చేసా – మూడో సారి

కుమార్ — Fri, 22 Aug 2008 10:55:00 +0000

ఏంటో ఎప్పుడు బ్లాగుదామనుకున్నా ఏదో ఒక విఘ్నం. అందుకే ఈసారి విఘ్నేశ్వర ప్రార్ధన చేసి మరీ ప్రారంభిస్తున్నాను.ఇప్పుడు కూడా విఘ్నాలు వస్తే దీనికి పూచీ నాది మాత్రం కాదని సవినయంగా మనవి చేసుకుంటున్నాను.
భాను

ఏప్రిల్ 11 పెద తిరుమలయ్య జయంతి

కుమార్ — Mon, 31 Mar 2008 06:25:00 +0000

అన్నమాచార్యుల వారి సంకీర్తనా వారసుడు పెద తిరుమలయ్య అని అందరికీ తెలిసిన విషయమే.
ఆయన కూడా అన్నమయ్య లా ఎన్నో శ్రుంగార, ఆధ్యాత్మిక సంకీర్తనలను రచించారు.
ఆయన జయంతి ఏప్రిల్ 11 అట. నిన్న ఆంధ్రజ్యోతి ఆదివారం సంచికలో పెద తిరుమలాచార్యుని మీద ఒక చిన్న వ్యాసం వేసారు.
ఆ వ్యాసాన్ని ఇక్కడ చూడండి.
ఈ సందర్భంగా అందరం అన్నమయ్యనూ, వారి వారసుడు పెద తిరుమలయ్యనూ ఒక్కసరి స్మరించుకుందాం.

ఎం.ఎస్ రామారావ్ గారి సుందరాకాండ

కుమార్ — Wed, 26 Mar 2008 06:26:00 +0000

ఎం.ఎస్ రామారావ్ గారు గొప్ప గాయకులు.చాలా మందికి తెలియని విషయం ఆయన చలన చిత్రాలలోనూ చాల పాటలు పాడారని.
ఈనాడులో ఈ వ్యాసం చదివేదాక నాకూ తెలియదు.
తెలుగు,తమిళ,కన్నడ భాషల్లో ఆయన గాన ప్రస్థానం సాగింది.
కానీ ఆయనకి పేరు తెచ్చింది మాత్రం ఆయన రచించి పాడిన సుందరకాండ.ఎంతో శ్రావ్యంగా,మధురంగా సాగిపోతుంది. విశ్వనాథ సత్యనారాయణ గారు కూదా ఈయన సుందరకాండ విని ముగ్ధులయ్యారు.

మీరు కూదా ఎం.ఎస్ రామారావ్ గారి సుందరాకాంద వినాలనుకుంటే
ఇక్కడ దిగుమతి చేసుకోవచ్చు

మొదటి భాగం
రెండో భాగం

పుస్తక రూపంలో కావాలనుకుంటే ఇక్కడ నొక్కండి.

మరికొన్ని PDF పుస్తకాలు దిగుమతి చేసుకోండి

కుమార్ — Mon, 24 Mar 2008 11:09:00 +0000

అందరికీ శుభాకాంక్షలు.

నేను అప్‌లోడ్ చేసిన PDF పుస్తకాలు మీ అందరికీ నచ్చాయని ఆశిస్తాను.

మరికొన్ని PDF పుస్తకాలు ఈ క్రింద ఇస్తున్నాను.

మరికొన్ని PDF పుస్తకాలు

ఆ రాత్రి(చలం)

చుక్కమ్మ (చలం)

ఆరోజు రాత్రి ఏం జరిగిందంటే(భోపాల్ దుర్ఘటన గురించి వివరించే పుస్తకం)

గురజాడ రచనలు

డీప్‍సీ(సముద్రపు రహస్యాలను చెప్పే పుస్తకం) తెలుగు

మేఘసందేశము(కాళిదాస విరచితము టీకా తాత్పర్యములతో)

అమృతం కురిసిన రాత్రి(తిలక్)

డాన్ క్విక్సోట్

అల్పజీవి(రాచకొండ విశ్వనాధ శాస్త్రి)

వాగ్గేయకారుల తులనాత్మక పరిశీలన(ఆన్నమయ్యకూ ఇతర వాగ్గేయకారులతో పరిశీలన)

సొమన-అన్నమయ్య(అన్నమయ్యకూ నాచన సోమనకూ మధ్య పరిశీలన)

త్వరలో మరికొన్ని పుస్తకాలు ఎగుమతి చేస్తాను

తెలుగు ఈ-పుస్తకాలు డౌన్లోడ్ చేసుకొండి

కుమార్ — Wed, 19 Mar 2008 13:57:00 +0000

డిజిటల్ లైబ్రరీ ఆఫ్ ఇండియా(dli) వారు మన ప్రాచీన గ్రంధాలను కాపాడాలనే మహోద్దేశంతో వాటిని స్కాన్ చేసి దిజిటల్ రూపంలో భద్రపరుస్తున్నారు.
dli సైటుకు వెళ్ళాలంటే ఈ క్రింది లింకు నొక్కండి.
http://www.new.dli.ernet.in/

కాకపోతే ఈ పుస్తకాలన్నీ ‘tiff ఫార్మాట్ లో ఉన్నాయి.ఎన్ని పేజీలుంటే అన్ని ‘tiff’ లన్నమాట.
నేను కొన్ని పుస్తకాలు డౌన్లోడ్ చేసి PDF లోకి మార్చి షేర్ చేసాను.
కావాలంటే మీరు కూదా ఆ PDF లు డౌన్లోడ్ చేసుకోవచ్చు.
కొన్ని PDF లు ఈ క్రింద ఇస్తున్నాను.
మీకు నచ్చితే మరిన్ని ఎగుమతి చేస్తాను.

1.కన్యాశుల్కము(గురజాడ వారి రచన)
2. చిల్లర దేవుళ్ళు(తెలంగాణా పోరాటాన్ని చిత్రించిన దాశరధి రంగాచార్య గారి నవల)
3.రెండు మహానగరాల కథ(చార్లెస్ డికెన్స్) తెలుగు అనువాదం
భాను

నేను చదివిన పుస్తకాలు

కుమార్ — Wed, 19 Mar 2008 12:57:00 +0000

నాకు పుస్తకాలు చదవటం అంటే పిచ్చి, వెర్రి, ఇంక దాన్ని పోల్చటానికి ఎన్ని ఉపమానాలుంటే అన్నీనూ.
నా మిత్రులైతే నన్ను పుస్తకాల పురుగు అని ముద్దుగా పిలిచేవారు.
నేను ఇప్పటివరకూ చాలా పుస్తకాలు చదివాను
అందులో తెలుగు సాహిత్యానికి సంబందించినవి, గ్రీకుపురాణాలకు సంబందించినవీ ఇంకా ఎన్నో ఉన్నాయి.
ఇక నుంచీ నేను చదివిన పుస్తకాలలోని విశేషాలు మీ అందరితో పంచుకుంటాను.

నేను ఈ సారి చెప్పబోతున్న పుస్తకం: హంసగీతం.
ఈ పుస్తకం గురించి చిన్న పరిచయం
ఇది వివిన మూర్తి గారి కలం నుండి జాలువారిన చారిత్రిక నవల. ఇతివౄత్తం శ్రీనాథ కవి సార్వభౌముని జీవిత చరిత్ర.ఇది “రచన” పత్రికలో సీరియల్ గా ప్రచురించబడింది.
ఆ నవల ఆవిష్కరణ సమయంలో “హిందూ” పత్రిక లో వచ్చిన ఈ సమీక్ష చూదండి.
http://www.hindu.com/br/2003/10/28/stories/2003102800030201.htm

దీని గురించి మరింత వివరంగా మరో ప్రచురనలో వివరిస్తాను.
చివరిగా ఒక చిన్న మాట.
ఇది నేనేదో ఆ పుస్తకానికి రాసే సమీక్ష కాదు.నాకు అంతటి పాండిత్యమూ లేదు, ఆ అర్హతా లేదు.
నేను పుస్తకాల్లో చదివి తెలుసుకున్న విషయాలని మీతో పంచుకోవాలని చేసే చిరు ప్రయత్నం మాత్రమే.

ఉంటాను…

తెలుగు బ్లాగర్లలో మరలా చేరిక

కుమార్ — Wed, 19 Mar 2008 09:51:00 +0000

అందరికీ శుభాకాంక్షలు.
ఇది నేను చాన్నాళ్ళ తర్వాత బ్లాగుతున్న ప్రచురణ.
ఇక నుంచీ నేను కూడా క్రమం తప్పక బ్లాగటానికి ప్రయత్నిస్తాను.

మీ భవధీయుడు
భాను